Nakabsan sa kinabuhi ang usa lalaki human nalambigit sa disgrasya nga nahitabo sa C. Padilla Street sa dakbayan sa Sugbo sayo sa buntag, Mayo 26, 2025.
Ang biktima giila sa Cebu City Police Office nga mao si Samuel Reyes, hingkod ang panuigon, lumulupyo sa Villa Calubihan, Barangay Basak San Nicolas, base sa nakuhang ID sa mga otoridad.
Sumala sa inisyal nga imbestigasyon sa kapulisan, gituohang kusog ang dagan sa motorsiklo ni Reyes nga mibangga sa usa ka multicab, hinungdan sa iyang pagkamatay sa mismong lugar sa insidente.
Sa pagkakaron, padayon pa ang imbestigasyon sa Traffic Enforcement Unit sa kapulisan aron masuta ang tinuod nga hinungdan sa aksidente ug kung adunay mga kalapasan sa trapiko nga nalambigit.
I via Renante Socia Lada