Nagmalampuson ang gipahigayon nga Sugat Kabanhawan Festival kagabii, Marso 31, 2024, didto sa lungsod sa Minglanilla Sugbo.
Gitambungan kini ni Cebu Governor Gwen Garcia, Mayor Rajiv Enad ug ubang mga opisyalis.
“Wow! Grabeha uy! Mura man kog gibayaw sa kalangitan!” pamahayag ni Gov. Gwen Garcia human siya nakakita sa maong pasundayag sa Sugat Kabanhawan Festival 2024, didto sa Minglanilla port, dugang pa niya: “Wow, Mayor Rajiv Enad! What an achievement you have done here!”
Sukad kaniadto, gipaningkamutan ni Gov. Gwen nga mabutang sa mga Sugboanon ang talagsaong garbo, ug mao kini iyang nakita sa Sugat Kabanhawan 2024: “hilabihang garbo sa matag Minglanillahanon.”
Nakasaksi siya sa evolution sa Minglanilla Festival sukad sa pagsugod sa dugay nang katuigan, ug para niya “level up” na kaayo ang Sugat Kabanhawan, which for her has “reached the pinnacle… the very top” for beating 49 other contingents during the “dramatic” Pasigarbo sa Sugbo 2023.
“Karong gabhiona nakita nako, nga ang Minglanilla Sugat Kabanhawan, especially with the fresh concept, will be the festival to beat.” segon ni Gov. Garcia, dugang pa niya nga ang “Minglanilla the Sugat Capital of the Philippines.”
Gipahibalo usab sa Governador nga iyang dugangan og P1.5 million isip tabang sa lungsod sa Minglanilla, ug P300,000 para sa contingents. (Renante Lada)
(Source: Minglanilla LGU)