Wala nay kinabuhi nga napalgan sa kadagatan ang usa ka Spanish National human sa iyang gihimo na snorkeling.
Pasado alas 3:00 sa hapon, Oktobre 27, 2023, nakit-an kini nga wala nay kinabuhi didto sa Barangay Basdiot, lungsod sa Moalboal, probinsya sa Sugbo.
Ang biktima giila sa Moalboal Police Station nga mao si Jorge Oliva, 26 anyos ang panuigon, kasamtangan nga nagpuyo sa usa ka lodging house sa maong lugar.
Sa inbestigasyon sa kapulisan niadto pang adlaw na Miyerkulis nag inusarang nilaag ang biktima ug wala na kini niuli pa.
Ang tagdumala sa diving supply nabalaka na kini og nitaho sa kapulisan sa pagkahanaw sa langyaw.
Usa ka search and rescue operation ang gihimo sa mga sakop sa Philippine Coast Guard sa pagpangita ni Oliva.
Nitabang usab sa pagpangita ang grupo sa mga langyaw na diver ug ilang nakita ang biktima nga naglutaw sa kadagatan.
Sa pagkakaron gihimo pa ang dugang inbestigasyon may labot sa pagkalumos patay sa langyaw. (Renante Lada)