Usa ka skater kompitisyon ang gipahigayon sa dakbayan sa Sugbo, kagahapong adlawa, Mayo 25, 2024, didto sa El Corso Filinvest Malls sa South Road Properties.
Gisalmutan kini sa 50 ka mga skaters gikan sa nagkadaiyang siyudad ug munisipalidad dinhi sa Sugbo.
Nasayran nga ang maong kompetisyon usa sa mga kalihokan nga gipahigayon sa kagamhanan sa siyudad sa Sugbo pinaagi sa Cebu City Tourism Commission, inubanan sa buhatan ni Acting Vice Mayor Dondon Hontiveros, kabahin kini sa pagsaulog sa Coastal Sports Tourism Month.
Ang mga nisalmot mao ang mga dakbayan sa Sugbo, Lapu-lapu, Danao, ug Talisay; lungsod sa Mingnilla; ug mga gikan sa gawas sa Sugbo nga mga taga-dakbayan sa Iligan, ug Tacloban, ug Baybay, Leyte.
Nagpasalamat pag ayo ang nagpasiugda sa maong kompitisyon nga si Anthony Dorot gumikan sa dakong suporta nga gipakita sa kagamhanan sa Siyuda ug labi na sa skateboarding community.
Didto usab sa maong kalihokan ang 25 anyos nga Olympian, Asian Games gold medalist, ug two-time SEA Games champion nga Filipina skateboarder nga si Margielyn Didal. (Renante Socia Lada)
(Source: Cebu City PIO)