Usa ka 68-anyos nga babaye ang namatay human mapakaan sa usa ka “King Cobra” o banakon samtang nanghugas ug plato sa ilang balay sa Sitio Upper Fatima, Barangay Buenavista, Carmen, Bohol, niadtong Pebrero 1, 2025.
Ang biktima giila nga si Rhodora Rañola, nagpuyo rapud sa maong lugar nga wala nagtoo ang kabanay nga mamatay kini tungod sa halas.
Sa imbestigasyon sa Carmen Police Station, nasayran nga sa maong lugar nanghugas ang biktima nga wala niya damha nga nisulod ang banakon og gipaak ang iyang tiil niini. Dinalian siyang gidala sa Cong. Simeon Toribio Memorial Hospital, apan gideklarar nga dead on arrival.
Ang halas napatay usab sa mga residenti sa maong lugar nga ni respondi sa maong panghitabo. Sa pagkakaron ang kapulisan nihimo pa og dugang imbestigasyon kalabot sa maong insidente. (Renante Socia Lada)