Cebu: Ama-ama nga suspetsado sa pagpanglugos ug nisulay pagkutlo sa kinabuhi, nasikop sa NBI-7

Balhog karon sa prisuhan ang ama-ama nga gipasanginlan miunay paglugos sa iyang anak-anak sa taas nga katuigan.

Didto kini nasikop sa Sitio Canhambay, Barangay Colon, Naga City, Cebu, niadtong Pebrero 1, 2025.

Ang biktima nagpanuigon og 16 anyos samtang ang suspetsado nagpangidaron og 26-anyos nga pulos nagpuyo sa naasoy nga lugar.

Sa nasayran nga kanunay hilabtan sa suspetsado ang menor de edad nga dalaga sa panahon nga wala ang inahan niini apan gi antos ra sa biktima gumikan kay nahadlok kining patyon gamit ang armas na maoy i hulga.

Anang higayuna wala ka antos ang grade 10 nga tinun-an og nisumbong sa iyang lola, daling nidangop ang lola sa NBI-7 og niadto dayon sa maong lugar. Sa kahadlok sa suspetsado sa nasayran nga balita nisulay kini pag kutlo sa kinabuhi gamit ang 22 caliber apan ang bala igo ra nipilit sa iyang agtang.

Si NBI Director Jaime Santiago ang nangulo sa press conference ang nipahibawo sa daw milagro nga nahitabo sa suspek nga driver ug usa ka hardware store.

“Umamin siya. He tried to commit suicide. Nagbaril sa sarili using his caliber 22, hindi tumagos sa kanyang bungo” butyag ni Santiago.

Kasong qualified rape in relation to violation of RA 7610 (Violence Against Women in Children) ang ipasaka batok sa suspect.

Matud pa ni Dir. Santiago nga dili makapyansa ang suspek (No Bail) ug tibuok kinabuhi nga pagkabilanggo kun “reclusion perpetua” ang mamahimong silot sa korte ngadto kaniya. (Renante Socia Lada)