Wala nagdahom ang usa ka Senior Citizen nga sa iyang paglukat og Police Clearance dakpon siya sa kapulisan.
Didto kini nahitabo sa Minglanilla Police Station, kagahapon sa hapon, Septembre 25, 2023.
Ang suspetsado nga gidakop mao si Salvador Tapic Paragoso, 61 anyos ang panuigon, taga Barangay Tungkop, lungsod sa Minglanilla, probinsya sa Sugbo.
Segon sa kapulisan sa Minglanilla Police Station nga si Parago alyas Bodoy nikuha og Police Clearance sa dihang nasayran nga aduna kini pending nga kasong murder.
Dugay na kining gipangita sa balaod ug adunay Alias Warrant of Arrest nga gi issue gikan sa Regional Trial Court 7th Judicial Region, Cebu City, nga gi petsahan niadtong tuig 2020.
Pinirmahan usab ni Presiding Judge Stewart Ramon Himalaloan sa Branch 7, RTC Cebu City ang maong warrant.
Sa pagkakaron gitanggong na ang suspetsado para atubangin ang tukmang kaso nga iyang nabuhat. (Renante Lada, photo courtesy of Minglanilla Police Station)