Nakalas ang usa ka sakop sa robbery group human nisukol sa mga sakop sa Argao Police Station.
Didto kini nahitabo sa Brgy Apo, lungsod sa Argao, Sugbo, pasado alas 12:50 kaganihang tungang gabii, Hulyo 26, 2024.
Ang nakalas giila sa Argao Police Station na mao si Eugene Asentista, hingkod ang panuigon, residenti sa Brgy Apo, sa maong lungsod.
Samtang ang mga naka ikyas niya nga mga kaubanan mao sila si: Roel Gomez, hingkod ang panuigon, residenti sa Brgy. Lengigon, Argao, Cebu, ug Jimboy Mejares, hingkod amg panuigon, residenti Brgy. Apo, sa mao rapud nga lungsod.
Sa imbestigasyon sa Argao Police Station nasayran nga mi respondi ang kapulisan sa maong lugsod sa taho nga adunay mga armadong mga lalaki sa maong lugar.
Sa pag-abot na sa kapulisan una silang gipamusil na ni resulta sa sinukli-ay sa bala.
Walay swerti si Asentista kay naigo kini, dali kining gidala sa tambalanan apan nabugtuan kini sa kinabuhi.
Narecover sa iyang position ang 45 nga kalibre sa armas uban sa mga buhing bala.
Sa pagkakaron padayong gipangita sa kapulisan ang mga kaubanan sa suspetsado nga makasibat. (Renante Lada & Ting Joe Pepito)