Nakumpiska kining mga sinakong mga taho didto sa Pasil Public Market.
Nikabat sa 270 kilos ang kinatibuk-ang tahong ang nasakmit na adunay presyo nga muabot ngadto sa P32,500.00.
Sila si Dr. Galaura, pangulo sa Fishery Division ug Assistant Maria Merlyn Mirallo, maoy nipahigayon sa maong pag kumpiska.
Kauban nila sila si Deputized fish inspectors Arnel Alicer ug Jorisa Saragena na nisakmit sa 9 ka sakong tahong na kulang sa auxiliary invoice ug Local transport permits.
Gikatakdang pasakaan og tukmang kaso ang mga nagpalusot niini, diin tumong niini nga masigurong luwas ang mga konsomidor tungod sa hulga sa red tide sa pipila ka mga lugar sa nasud. (Renante Lada & Ting Joe Pepito)