Mas napalig-on pa ang presensya sa kapulisan sa kadalanan human sa pormal nga turnover ceremony kagahapong adlawa, Abril 14, 2025, sa Cebu City Hall, diin 30 ka Infinity mountain bikes ang gihatag alang sa Ronda Cebu-Juana Bike Patrol.
Si PCOL Enrico E. Figueroa, Acting City Director sa Cebu City Police Office (CCPO), kauban ang iyang mga staff ug unit commanders, misalmot sa Monday Flag Raising Ceremony uban ni Mayor Raymond Alvin N. Garcia. Gisundan kini sa pormal nga turnover sa mga gamit nga lakip ang 15 ka SWAT tactical flashlights, 15 ka megaphones, usa ka 58-inch Toshiba TV, ug opisyal nga Ronda Cebu-Juana uniforms.
Ang maong inisyatiba tali sa CCPO ug sa kagamhanan sa siyudad sa Sugbo gipalapdan aron adunay dugang pulis sa kadalanan labi na sa mga babaye nga pulis ug mapalig-on ang koneksyon sa komunidad.
Gipadayag ni Mayor Garcia ang padayon nga suporta sa syudad alang sa kahapsay ug kalinaw, samtang mapasalamaton si PCOL Figueroa sa maong mahinungdanon nga tabang nga makapadugang sa seguridad sa dakbayan.
📸 CCPO
I via Renante Socia Lada
#rpndykccebu
#675hzamband