Anaa sa talandungon ang kahimtang sa usa ka 24-anyos nga babaye nga si Frince Ordeniza human kini pusila sa tulisan nga misulay og kawat sa iyang cellphone, buntag sa Abril 14 sa Brgy. Luz, Cebu City.
Base sa imbestigasyon sa Mabolo Police Station, si Ordeniza, usa ka store head, naggamit sa iyang cellphone samtang pasahero sa usa ka motorsiklo nga naghulat sa stoplight sa daplin sa dalan. Sa kalit nga pag-abot sa suspek, miti-on kini og armas sa biktima ug misugo nga ihatag ang cellphone.
Sumala pa sa testigo, misukol ang biktima ug misulay og panalipod sa iyang kaugalingon nga misangpot sa pisikal nga panagsangka tali nila. Tungod sa kasuko, mipabuto og armas ang tulisan ug gituyo nga gipusil ang biktima sa ulo. Dayon, daling misibat ang suspek padulong sa direksyon sa Sitio Kamansi, base sa nakitang CCTV footage sa duol nga establisyemento.
Ang mga residente sa maong lugar miingon nga posibleng dili taga didto ang suspek ug kasagarang makita ra sa maong lugar sa mga oras nga busy ang kadalanan. Ang suspek wala mag-mask.
Gipahigayon na karon ang manhunt operation sa tibuok sakop sa Cebu City Police Office ug kasikbit nga lugar. Gi-alerto na usab ang tanang kapulisan sa dakbayan ug gisusi ang mga CCTV footage aron matultolan ang lihok sa kriminal.
Gipahimangnoan usab sa kapulisan ang katawhan nga magmatngon ug likayan ang paggamit og cellphone samtang naa sa pampublikong sakyanan o daplin sa dalan.
📸 CTTO
I via Renante Socia Lada
Renante