Mga sakop sa “Bloods gang” ang gitumbok nga suspetsado sa gipangrakrakan nga mga batan-on nga namatyan gyud ug usa kaganihang kaadlawon sa Brgy. Yati, Liloan, Cebu.
Gibutyag ni Liloan chief of police Maj. Eric Gingoyon nga naila na nila ang tulo sa lima ka mga responsable sa krimen atubangan sa usa ka convenient store.
Patay ang 16-anyos nga dalaga sa maong hitabo samtang angol ang duha pa niini ka mga kauban, 18 ug 17 anyos nga mga lalaki nga sakop sa “Crips”.
Gikan namyesta sa Mandaue City ang mga biktima ug nag-istambay sa gawas sa tindahan dihang kalit nga niabot sakay sa duha ka mga motorsiklo ang mga suspek, usa kanila nag-full-face-helmet ug maoy nangrakrak. (Eli Tahanlangit Espina)