Patay diha–diha dayon ang usa ka 19-anyos nga rider human mibangga ang iyang motorsiklo sa center island samtang misalmot siya sa illegal nga drag race sa South Road Properties (SRP), habig sa Barangay Cansojong, Talisay City, sa buntag, Nobyembre 29, 2025.
Giila ang biktima nga si Cyrel Kent Mancia, residente sa Barangay Casuntingan, Mandaue City, ug adunay live-in partner. Sumala sa inisyal nga imbestigasyon, milakaw kini nga walay pananghid ug mitambong sa lumba nga iligal, diin nagtinguha siyang makadaog maoy nakapahimong kusog kaayo sa iyang pagpadagan.
Tungod sa sobrang katulin, wala siya makakontrol sa motorsiklo ug misampak kini sa center island sa dapit sa SRP. Nalupad ang biktima gikan sa iyang sakyanan ug nakadawat og grabe kaayo nga kadaut sa lawas, lakip ang naguba nga ulo nga hinungdan sa iyang pagkamatay sa mismong lugar.
Bisan pa sa kanunayng pahimangno ug pagbawal sa drag racing sa SRP, padayon gihapon nga adunay mga grupo nga nagpatuyang sa iligal nga lumba nga nagbutang sa peligro sa ilang kaugalingon ug sa uban pang motorista.
📸 CTTO
I via Renante Socia Lada