Nasikop sa operasyon sa Cortes Municipal Police Station ang manag-uyab nga sila si alyas “Erap,” 25, anak sa kapitan sa Barangay Malayo Norte, ug ang iyang uyab nga si “Kian,” 20, taga Barangay De La Paz, Cortes, Bohol, niadtong Nobyembre 27, 2025. Dugay nang gi-monitor sa kapulisan ang lihok sa duha tungod sa ilang giingong kalambigitan sa iligal nga drogas.
Sa gihimong buy-bust operation, nadakpan ang mga suspetsado human makigtransaksiyon sa usa ka pulis nga nagpaka aron-ingnon. Nakuha gikan kanila ang mga sachet sa gituohang shabu nga mokantidad og ₱68,000, ug ang gigamit nga marked money isip ebidensya sa operasyon.
Gidala dayon sa crime laboratory ang tanang ebidensya alang sa tukmang eksaminasyon ug dokumentasyon. Gisiguro sa kapulisan nga masaligan ang proseso sa pagmintinar sa integrity sa ebidensya kon ipresentar na kini sa korte.
Kasamtangan, ang duha ka dinakpan gitanggong sa Cortes Police Station samtang giandam ang kaso batok kanila isip kalapasan sa RA 9165 o Comprehensive Dangerous Drugs Act of 2002. Ang kapulisan mipadayag sa ilang padayon nga kampanya batok sa iligal nga drogas aron mapanalipdan ang kalinaw ug kahapsay sa komunidad.
Source: Bohol PNP
I via Renante Socia Lada