Nibisita si Cebu Governor Pamela Baricuatro kauban nila Second District Board Members Stanley Caminero ug Raymond Calderon sa Oslob District Hospital kagahapon sa hapon diin nagpadayon ang surgical mission sa Probinsya.
Naghatag og libre nga operasyon ang maong misyon alang sa mga pasyenteng nagkinahanglan og pagtambal sa hernia, gallbladder conditions, ug ubang minor procedures sama sa pagtangtang sa bukol o hubag. Apil usab niini ang dental services lakip ang tooth extraction.
Sumala ni Dr. Nikki Catalan, Capitol Piso Health consultant, dako ang papel sa mga misyon sama niini samtang nagpadayon ang dugayng mga reporma sa mga ospital sa probinsya.
“As we work on long-term reforms in our provincial hospitals, missions like this serve as important stop-gap solutions so that those who need help the most are not left behind,” segon ni Capitol Piso Health Consultant Dr. Nikki Catalan.
Kabahin kini sa adbokasiya ni Gob. Baricuatro nga i-duol ang kalidad nga serbisyo medikal sa mga Sugboanon. Ang medical mission gitabangan sa mga volunteer surgeons ug medical professionals gikan sa Sui Generis Missions (SGM) ug Cebu Doctors’ University Hospital.
Source: Cebu Province PIO
I via Renante Socia Lada