Mag-atubang og kasong alarm and scandal, disobedience of persons in authority, ug kalapasan sa Republic Act 10591 kon The Comprehensive Firearms and Ammunition Regulation Act batok sa kanhi sakop sa Philipine Navy nga nani-on og armas de fuego sa iyang kapuyo.
Didto kini nahitabo sa Sitio Tangkongan, Barangay Sambag 1, siyudad sa Sugbo,kagahapong adlawa, Disyembre 13, 2022.
Ang suspetsado giila nga mao si Rey Pesquera, 61 anyos ang panuigon, nagpuyo sa naasoy nga lugar.
Sa imbestigasyon nga gihimo sa Abellana Police Station, pinanguluhan sa ilang hepe nga mao si Police Major Nolan Tagsip, nasayran nga nadawat nila ang taho nga adunay pagpani-on og armas de fuego sa maong lugar og dali kini nilang gi respondihan.
Nilanat og dili muminos sa tulo ka oras ang gihimo nga negosyon sa mga sakop sa kapulisan diin ila gyud na pa kalma ang suspetsado nga gisugdan pa pasado alas 10:30 sa buntag.
Sa pag respondi sa kapulisan ilang na sakmit ang mga nagkadaiyang klasi sa mga bala sa pinuy-anan ni Pesquera apan gi klaro sa kapulisan nga walay nakit-ang armas.
Nagduda ang kapulisan nga posibling nasuko ang kanhi Navy sa iyang kaipon nga maoy hinungdan nag nani-on kini sa iyang armas.
Nahibaw-an usab nga adunay depression ang naasoy nga suspetsado ug tig gamitan sa ginadiling drugas apan susihon pa kini sa kapulisan.
Human usab sa maong negosasyon gi deretso usab sa tambalanan ang suspetsado kay nisaka ang usab ang pressure sa dugo. (Renante Lada, photo credits to the owner)