Cebu City- Gipadayag ni Cebu City Mayor Michael Rama ang iyang ka dismaya sa mga officials sa Cebu City Medical Center (CCMC) atol sa iyang pag bisita kagahapon, Lunes, Agosto 16, 2022, gumikan sa iyang nasuta nga wala mabuhat ang iyang mga instruction ngadto nila.
“If you cannot make things happen, then get out!”
Kini maoy iyang pamahayag human wala matrabaho ang improvements nga bout niyang ipahimo sa lobby ug ubang bahin sa hospital.
Gibutyag ni Rama nga dili niya igsapayan nga maka gasto ang syudad alang sa maayong mga resulta kay sa mawagtang ang pundo sa corruption.
Matod sa mayor nga mo bisita kini sa CCMC kada semana pag monitor sa progress sa construction ug gusto niini nga mahuman ang maong proyekto sa Enero 2023 aron mahimo kining fully operation sa dili pa mahuman ang yang termino sa tuig 2025.
“Up to the last drop of my blood, that hospital will rise up when my term will end,” mensahi ni Rama.
Gidugang ni Rama sa pag-ingon, “I cannot be working with people if I cannot share my soul.”
BACKGROUNDER
Pipila na ka tuig sukad gisugdan sa syudad ang pagpatukod ug bag-ong CCMC structure niadtong 2015 human ang daan nga hospital grabeng naguba sa magnitude 7.2 nga linog nga miigo sa Central Visayas niadtong 2013.
Nahunong ang construction pipila ka higayon, labi na sa dihang napildi si Rama sa election niaddtong tuig 2016.
Sa tuig 2019, si anhing mayor Edgardo Labelle misaad nga humanon ang contruction pero igo lang naka human sa unang tulo ka andana dihang mi igo ang COVID-19 pandemic niadtong tuig 2020.
Nahimi pa ni Labella ang pag tambong sa blessing sa building ug inagurasyon sa wala pa kini mamatay sa katapusang bahin sa 2021.
Niadtong higayona, naka gasto na ang syudad ug P566 mlillion alang sa Phase 1 sa construction; P300 million sa phase 2 ug P100 million sa phase 3.
Sa dihang nasubli pagka pili si Rama sa pagka mayor sa May 2022 nga piniliay, gisaad niini priority project ang CCMC.
Gani iyang kiining gitinguha nga mahimong usa sa mga specialty hospitals nga gusto ni Presidente Ferdinand Marcos lokop nasud.
Bag-uhay lang, si business tycoon Manny Pangilinan mi pledge ug P100 million alang sa pag develop ug usa ka andana sa hospital nga dunay naming rights.
“Dili ko muundang pakilimos kung dili mahuman ang poor man’s hospital but with a rich man’s care, love, compassion assured. You should not doubt your mayor,” pasabot ni Rama.
l via Jhon Tadlip