Nakuhang ang mga residente sa Purok San Antonio, Barangay Guinsay, human makit-an ang usa ka puya nga gilabay sa basurahan niadtong alas 8:58 sa buntag, Oktubre 7, 2025.
Sumala sa kapulisan, nakadawat sila og tawag gikan sa usa ka concerned citizen nga nagpahibaw nga dunay nakit-an nga puya sa daplin sa dalan. Pag-abot sa mga personnel sa Danao Police Station, wala na nila maabti ang puya tungod kay gikuha na kini sa ambulansya.
Base sa inisyal nga impormasyon, ang puya gibana-banang walo hangtod siyam ka bulan ang panuigon. Wala pa masayri kon buhi pa ba kini sa dihang nakit-an.
Sa pagkakaron, padayon ang imbestigasyon sa Danao City Police, lakip na ang pag-review sa CCTV footage sa palibot aron mahibal-an kinsa ang naglabay sa maong puya.
Gihangyo sa kapulisan ang publiko nga motabang sa paghatag og impormasyon aron mapadali ang pagkahibalo sa responsable ug matubag kini sa balaod.
Source: Danao City PIO
I via Renante Socia Lada