Usa ka garbage collector sa Metro Waste Solid Management Cebu Corporation ang nakakaplag sa usa ka puya nga gibana-banang 5 hangtod 6 ka bulan ang panuigon, nga gisulod sa usa ka transparent nga kahon, sa Gabuya Street, Barangay Mambaling, Cebu City, alas 8:50 sa gabii.
Ang nakakaplag, si Melvin Ucab, dali nga nireport sa insidente ngadto sa City Disaster Risk Reduction and Management Office (CDRRMO). Ang mga personnel sa CDRRMO dayon nga nakig-alayon sa Mambaling Police Station ug sa Scene of the Crime Operatives (SOCO) aron maimbestigahan ang lugar.
Ang fetus karon anaa na sa St. Francis Funeral Parlor samtang padayon ang imbestigasyon sa kapulisan aron mahibal-an kung kinsa ang inahan nga posible nga responsable sa maong krimin.
Ang mga awtoridad nag-awhag sa publiko nga kung adunay impormasyon kabahin sa insidente, ipahibalo kini sa kapulisan aron matabangan ang imbestigasyon.
I via Renante Socia Lada