Nagmalampuson ang gipahigayon nga Push Bike Race sa dakbayan sa Mandaue kagahapon, Agusto 12, 2023.
Diin adunay 120 ka mga nisalmot nga mga bata nga nagpanuigon og 2 anyos paingon sa 8 anyos.
Ang maong mga bata naga gikan sa 28 ka mga barangay sa siyudad sa Mandaue.
Aduna puy open category sa maong kalihukan diin adunay 28 ka mga bata nga gikan sa kauluhan ang niapil niini.
Gipasiugdahan ang Push Bike Race sa KC46 Riding Development ug kagamhanan sa dakbayan sa Mandaue.
Ang maong racing sa mga besiklita sa kabataan kabahin sa kasaulugan sa ika-54 nga Charter Month Celebration sa siyudad sa Mandaue. (Renante Lada, photos courtesy of Mandaue City PIO)