Mas gibati na karon sa mga residente sa syudad sa Sugbo ang presensya sa kapulisan human gilusad sa Police Regional Office 7 (PRO7) ang mas lawom nga deployment sa mga patrol team. Kini nga kalihukan base sa 3 Ka Haligi sa liderato ni PNP Chief PGen Nicolas Torre III: paspas ug epektibong serbisyo publiko, panaghiusa ug moral sa hanay sa kapulisan, ug accountability pinaagi sa modernisasyon.
Sugod Hunyo 10, gipangsusi ni Police Brigadier General Redrico A. Maranan, Regional Director sa PRO7, ang tanang standby patrol teams ug sakyanan gikan sa Regional Headquarters aron mosuporta sa police visibility ug aksyon sa Cebu City. Ang operasyon gitutok sa mga lugar nga daghang tawo sama sa mga terminal sa transportasyon, merkado publiko, mga sentro sa negosyo ug mga komunidad.
“We are not just increasing our presence—we are increasing protection. Under the leadership of our CPNP, we are translating his 3 Key Pillars into real, on-the-ground action. Our patrols are visible, our response is swift, and our intent is clear: protect our people and outpace crime,” segon ni PBGen Maranan.
Ang maong operasyon kabahin sa pamaagi ni PBGen Maranan alang sa kalinaw ug kahapsay: mas taas nga police visibility, dali nga pagtubag sa mga insidente, ug padayon nga kampanya batok sa ilegal nga drogas, mga kriminal nga grupo, ug mga pribadong armadong grupo. Gipatuman ang maayong pagplano sa pag-deploy sa mobile units aron masolbad ang dugay nang isyu sa kakulang sa sakyanan ug hinay nga police response.
Pinaagi sa lig-on nga presensya sa kapulisan, ang PRO7 nagpakita nga ang ilang serbisyo dili lang makita, kini gibati, aktibo, ug adunay tinud-anay nga katuyoan alang sa seguridad sa katawhan. Gi-awhag usab ang publiko nga magpabiling mabinantayon, mag-report sa kadudahang lihok, ug mosalmot sa mga community policing programs.
Source: PRO7
I via Renante Socia Lada