Nakabsan gyud sa iyang kinabuhi ang usa ka pulis human matud pa naunay sa iyang service firearms.
Ang aksidenti nahitabo pasado alas 9:00 kagahapon sa buntag, Mayo 21, 2023, didto sa Barangay Owak, lungsod sa Asturias, probinsya sa Sugbo.
Ang biktima giila sa Asturias Police Station nga mao si Patrolman Emmanuel Cary Sollano Giangan, 28 anyos ang panuigon, lumad na taga siyudad sa Danao ug na destino sa lungsod sa Tuburan.
Sa inbestigasyon sa kapulisan nasayran nga ang biktima nagpuyo sa iyang gi-abangan nga boarding house sa naasoy nga lugar sa dihang nibuto ang iyang 9mm pistol na isyu sa goberno.
Ang biktima naigo sa iyang tiyan na maoy hinungdan sa kamatayon niini.
Sa pagkakaron padayon ang gihimo nga inbestigasyon sa kapulisan may labot sa maong aksidenti na nikalas og usa ka pulis. (Renante Lada, photo courtesy of Asturias Police Station)
