Wala nay kinabuhi nga niabot sa tambalanan ang usa ka pulis nga sakop sa Mandaue City Police Office (MCPO,) human gipusil sa menor de edad nga lalaki.
Ang krimin nahitabo pasado alas 12:00 sa tungang gabii, Hulyo 27, 2024, didto sa P. Remedios Street, barangay Banilad, dakbayan sa Mandaue.
Ang biktima giila sa MCPO nga mao si Police Staff Sergeant Orvin Seth Lim Felicio, sakop sa MCPO, Station 5. Sa imbestigasyon nasayran nga padung magkuha ang pulis sa iyang asawa nga iyang nalabyan ang mga Brgy. Tanod nga adunay girespondihan sa maong lugar.
Nitabang kini sa mga BPSO og sa dihang iya na untang duolon ang maong menor de edad kalit nalang kining gipusil nga maoy hinungdan sa iyang kamatayon.
Hinuon dali ra na rescue sa sa kapulisan ang maong 16 anyos nga lalaki og nadala sa ngadto sa DSWD. Sa pagkakaron gihimo pa ang dugang imbestigasyon sa kapulisan. (Renante Lada)