Ang giplanong CTU Agri Business School sa Barangay Langub, Asturias, Cebu nagpabiling wala nagamit hangtod karon. Segon kini ni Gigi Sanchez, Cebu Provincial Agriculture and Livelihood Consultant.
Gitukod ang building niadtong 2023, apan wala pa kini magamit tungod sa gikabalak-ang kahimtang sa lugar. Duol kini sa pangpang ug adunay peligro sa pagkahulog sa mga bato ug debris.
Niadtong Agosto 13, 2026, giinspeksyon ni Gigi Sanchez ug sa iyang team ang maong lugar uban sa mga opisyal ug engineer aron masuta ang kahimtang sa building.
Kauban sa inspeksyon si Mayor Dumdum, mga engineer sa Cebu Provincial Engineering Office, FGH Construction contractor nga si Engr. Henry Menchavez, ug representante sa CTU nga si Angel Matin-ao.
Gihisgutan sa grupo ang posibleng solusyon aron masiguro ang kaluwasan sa building ug sa mga tawo. Tumong usab nila nga mapuslan ang maong pasilidad kung masulbad na ang mga problema niini.
I via Renante Socia Lada