Kapin sa P13,000 nga kantidad sa ilegal na drugas ang malampusong nasabat sa mga personahe sa kapulisan atol sa gipatoman nga hiniusang drug buy-bust operation mga alas 12:14 sa kadlawon niadtong Agosto 15, 2026,didto sa Purok Rosas, Brgy. Dawo, Dapitan City, Zamboanga Del Norte.
Naila ang dinakpan nga drug suspek nga usa ka 20 anyos nga lalaki, ulitawo, walay trabaho ug residente sa Purok Malinawon, Brgy. Cawa-cawa, Dapitan City, Zamboanga Del Norte, kinsa nalista isip Street Level Individual (SLI) sa Illegal Drugs watchlist sa Dapitan CPS, tungod sa paglapas sa Republic Act No. 9165, nailhan usab nga Comprehensive Dangerous Drugs Act of 2002.
Ang pagkadakop sa suspek ug pagkakumpiska sa ilegal nga drugas gihimo pinaagi sa operatiba sa Dapitan CPS uban sa Mabuhay SBC 5th SOU-MG.
Atol sa operasyon nakumpiska sa mga awtoridad ang gibana-bana nga 2 gramos nga gidudahang shabu, nga gibana-banang nag kantidad ug P13,600.00,uban sa mga butang nga dili druga.
Gipahibalo ang suspek sa hinungdan sa iyang pagkadakop ug mga katungod sa konstitusyon (Miranda Warning) ug sa Anti-Torture Act sa usa ka diyalekto nga iyang hingpit nga nasabtan.
Naka kustodiya na ang dinakpan nga suspek sa Dapitan City Police Station samtang nagpaabot sa pagpasaka sa tukmang reklamo.
Ang tanang nakumpiska nga mga butang gi-imbentaryo na ug gisumite sa Zamboanga del Norte Provincial Forensic Unit-9 alang sa chemical examination.(MEDALYN U. BORJA)
Source: ZNPPO