Ang Mandaue City Police Office (MCPO) nakarekord og daghang kalampusan sa ilang mga operasyon gikan Agosto 10 hangtod 16, 2026.
Sa kampanya batok sa ilegal nga drogas, nakahimo ang kapulisan og 45 ka operasyon ug 45 ka tawo ang nadakpan. Nakumpiskar usab ang 73.54 gramos nga gidudahang shabu nga gibanabanang mokantidad og ₱493,272.
Nakarekord usab ang MCPO og 1,122 ka operasyon batok sa paglapas sa mga lokal nga ordinansa. Lakip niini ang 411 ka paglapas sa traffic ordinance, 131 sa curfew, 145 sa half-naked ordinance, 118 sa smoking ordinance ug 137 sa pag-inom og alkohol sa publiko.
Samtang, siyam ka wanted persons ang nadakpan sa siyam ka operasyon. Sa kinatibuk-an, gipakita sa MCPO nga ilang gipakusgan ang pagpatuman sa balaod ug mga ordinansa aron mapadayon ang kalinaw ug kahapsay sa Mandaue City.
I via Renante Socia Lada