35.8 C
Manila
Wednesday, April 24, 2024

Cebu Province nalakip sa mga awardees sa DILG gumikan sa subsob nga anti-drug campaign

- Advertisement -

Nalakip ang lalawigan sa Sugbo nga gipasidunggan sa Department of Interior and Local Government (DILG) sa mga Local Government Units (LGUs) sa tibuok nasud gumikan sa malampuson niini nga anti-drug campaign.

Sa kinatibuk-ang 241 ka mga LGUs sa tibuok nasud ang Cebu Province, Mandaue City ug usab ang lungsod sa Argao, Cebu ang makadawat sa nahisgutang award gikan sa DILG atol sa unang National Anti-Drug Abuse Council Performance Award.

Gihatagan sa DILG sa recognition ang nahisgutang mga LGUs tungod sa natampo niini sa implementasyon sa anti-illegal drugs program.

Bugtong ang Mandaue City lang sa Central Visayas ang syudad nga nakadawat sa maong award ug nakakuha kini sa 93% rating. Si Mandaue City Councilor Kevin Cabahug ang midawat sa award  alang sa Mandaue City samtang ang pangulo sa Cebu Provincial Anti-Drug Abuse Office (CPADAO), Carmen Remedios “Ivy” Durano maoy midawat sa award alang sa kapitolyo atol sa awarding ceremony  sa Manila dili pa lang dugay.

Gipadayag ni Durano nga ang nadawat nila nga award nagpasabot lang nga naghimo gyod sa ilang gimbuhaton ang CPADAO. Samtang si Argao Mayor Stanley Caminero mipadayag usab nga ang nadawat nila nga award maoy resulta sa ilang mga paningkamot alang sa rehabilitasyon sa mga drug surrenderers. 

Sa iyang bahin gibutyag ni Mandaue City Vice-Mayor Carlo Fortuna nga ang pagpaluyo sa city government sa kapolisan pagpatuman sa Oplan Tokhang ug Double Barrel Alpha, usa sa mga hinungdan ug rason nga naangkon sa syudad ang taas nga rating.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -