Nagpadayon ang Cebu Provincial Government sa pag-andam sa proposed Schedule of Market Values (SMV) alang sa 2027 nga gamiton sa pag bana-bana sa bili sa mga yuta ug ubang real properties sa tibuok probinsya.
Ang maong SMV gihimo pinaagi sa Office of the Provincial Assessor uban sa kooperasyon sa 44 ka municipal assessors aron masiguro nga adunay usa ka parehas ug klaro nga basehan sa pag-assess sa mga kabtangan.
Sumala sa probinsyal nga kagamhanan, ang bag-ong SMV maghatag og patas ug transparent nga sistema sa balor sa mga yuta, nga makatabang usab sa hustong pagpaningil sa buhis ug pagpalambo sa serbisyo publiko.
Gihimo kini subay sa giya sa Department of Finance pinaagi sa Bureau of Local Government Finance, ug uyon sa Republic Act No. 12001.
Aron mapaminaw ang opinyon sa publiko, magpahigayon og public hearings sa Abril 6 sa Cordova ug Abril 7 sa San Fernando, diin gi-awhag ang mga property owners ug stakeholders nga motambong ug mohatag sa ilang mga suhestiyon sa dili pa kini pinalon ug isumiter.
Source: Cebu Province PIO
I via Renante Socia Lada