Gilunsad sa Cebu City niadtong Agosto 9, 2026 ang Justice Behind & Beyond Bars Program, usa ka inisyatiba nga nagtumong sa pagpalambo sa access sa hustisya, pagkunhod sa kasamok sa mga prisohan, ug pagtabang sa rehabilitasyon sa mga Persons Deprived of Liberty o PDL.
Gipirmahan usab ang Memorandum of Agreement (MOA) tali sa nagkalain-laing ahensya sa gobyerno, justice sector, local government, social welfare, legal groups ug civic organizations aron magkahiusa sa paghatag og serbisyo ug suporta sa mga PDL.
Gipasiugda sa programa nga ang tabang dili kutob samtang naa sa prisohan. Apil usab niini ang rehabilitasyon, aftercare ug pagtabang sa mga nakagawas na aron makabalik sila ug tarong sa ilang komunidad.
Gipasidunggan usab si Jail Director Efren A. Nemeño, hepe sa Bureau of Jail Management and Penology (BJMP), tungod sa iyang serbisyo ug pagpangulo sa pagdumala sa mga prisohan. Gilauman nga pinaagi sa maong programa, mas mapalig-on ang kooperasyon sa mga sektor aron ang hustisya dili lamang kutob sa pagkabilanggo, kundili maglakip usab sa rehabilitasyon ug maayong pagbalik sa komunidad.
I via Renante Socia Lada