Gipalig-on sa Philippine Pediatric Society-Central Visayas Chapter (PPS-CV) ang kampanya alang sa husto nga breastfeeding ug nutrisyon sa mga inahan ug masuso atol sa ilang annual Nutrition and Breastfeeding Culminating Activity niadtong Agosto 8, 2026 sa SM City Cebu.
Gipasiugda sa kalihokan ang tema nga “Kaabay: Breastfeeding for a Sustainable Start: Strengthen What Works,” diin gihisgutan ang importansya sa luwas ug husto nga pagpasuso sa mga bata.
Kabahin sa programa ang “Latch O’ Love,” diin nagtigom ang mga inahan aron sabay-sabay nga magpasuso sa ilang mga anak sulod sa usa ka minuto. Gilunsad usab ang Mommy Buddy Network ug gipakita ang testimony sa usa ka tin-edyer nga inahan.
Gihatagan usab og pasidungog ang mga Mother-Baby Friendly Workplaces ug mga International Board Certified Lactation Consultants (IBCLC) sa Region 7. Gihisgutan usab ang husto nga nutrisyon sa mga inahan nga nagpasuso, milk donation ug milk banking.
Pinaagi sa maong kalihokan, gitinguha sa PPS-CV nga mas mapalig-on ang panagtambayayong sa mga healthcare workers, gobyerno, advocacy groups ug komunidad aron mapalambo ang breastfeeding ug nutrisyon sa mga inahan ug mga bata.
I via Renante Socia Lada