Gipahigayon sa Cebu Provincial Government ang unang libreng surgical mission sa Cebu Provincial Hospital-Danao City isip kabahin sa selebrasyon sa ika-457 nga Founding Anniversary sa probinsya.
115 ka surgical procedures ang nahimo nga libre, nga adunay gibanabanang kantidad nga ₱9.3 milyon hangtod ₱9.53 milyon kung ikumpara sa presyo sa susamang operasyon sa pribadong mga ospital.
Lakip sa mga operasyon ang gallbladder surgery, thyroidectomy, hernia repair, minor surgeries ug uban pang medical procedures. Gisuportahan kini sa partnership sa Capitol ug Chong Hua Hospital, diin 260 ka volunteer medical personnel ang mitabang.
Matud ni Dr. Nikki Catalan, ang programa nagpakita sa importansya sa panagtambayayong sa gobyerno ug pribadong sektor aron mas mapaduol ug mapalapad ang kalidad nga healthcare services alang sa mga Sugboanon.
I via Renante Socia Lada