Ang Police Regional Office 7 (PRO7) ang gipasidunggan nga number 1 sa tibuok nasod sa kampanya batok ilegal nga drogas, ilabi na sa pagpakusog sa suporta sa komunidad.
Kini gipahibalo atol sa miting sa mga opisyal sa PNP niadtong Hunyo 23, 2025 nga giatol ni PNP Chief Gen. Nicolas Torre III ug giapilan ni PRO7 Regional Director PBGen Redrico Maranan.
Gipresentar nga ang PRO7 nakamugna og 58,410 ka mga drug advocates gikan Enero hangtod Mayo 2025. Kini ang pinakadaghan sa tanang 17 ka police regional offices sa tibuok nasod. Ang PRO6 adunay 57,939 samtang ang PRO8 adunay 33,836.
Tungod niini, giila ang PRO7 nga kusgan ug epektibo sa pagpakabana sa katawhan batok sa drogas. Apil sa ilang gihimo mao ang mga edukasyon sa eskwelahan, pakig-alayon sa simbahan ug barangay, ug mga aktibidad nga nag-awhag sa mga tawo nga mosalmot sa kampanya.
Si PBGen Maranan mipasalamat sa tanang katawhan sa Central Visayas ug sa suporta sa mga local nga opisyal, simbahan, eskwelahan, ug grupo nga nagtabang sa ilang kalihokan. Matod niya.
Mopadayon ang PRO7 sa ilang mga programa sa edukasyon, mga panagtigom sa komunidad, ug pakig-alayon sa mga barangay aron mas daghan pa ang molihok batok sa ilegal nga drogas. Buot sa PRO7 nga ang ilang kalampusan mahimong inspirasyon aron ipadayon ang limpyo ug luwas nga komunidad sa Central Visayas.
Source: PRO7
I via Renante Socia Lada