Nadakpan sa kapulisan sa Central Visayas ang usa sa Top Regional Most Wanted Persons atol sa operasyon sa BJMP Female Dormitory sa Barangay Maghaway, Talisay City, Cebu pasado alas-12 sa udto, Setyembre 19, 2025.
Ang nadakpan mao ang gi-lista isip Top 8 sa Regional level, Top 10 sa Provincial level, ug Top 1 sa Municipal level sa listahan sa PNP sa pinakapinangita nga mga tawo.
Ang suspetsado nag-atubang sa duha ka kaso nga may kalabotan sa iligal nga drogas ilawom sa Comprehensive Dangerous Drugs Act of 2002 (RA 9165). Ang korte sa Regional Trial Court Branch 65 sa Talisay City nagpagula og warrant of arrest nga walay girekomendar nga piyansa.
Sumala ni PBGEN Redrico Maranan, Regional Director sa PRO7, kini nagpamatuod nga walay makaikyas sa balaod.
Ang kalampusan kabahin sa padayon nga kampanya sa PRO7 batok iligal nga drogas ug kriminalidad, subay sa direktiba sa Acting Chief PNP nga magpasiugda og mas luwas ug malinawon nga komunidad alang sa tanan.
Source: PRO7- PIO
I via Renante Socia Lada