Samtang nagkaduol ang panahon sa Pasko, gisiguro sa Police Regional Office 7 (PRO7) nga walay holiday break ang ilang kampanya batok sa kriminalidad sa Central Visayas. Sa usa ka semana nga sunod-sunod nga operasyon, dagkong kalampusan ang ilang nakuha batok sa iligal nga drogas, iligal nga armas, wanted persons, ug illegal gambling.
Base sa accomplishment report sa PRO7 gikan Nobyembre 30 hangtod Disyembre 6, 2025, 318 ka suspek ang nadakpan sa nagkalain-laing operasyon.
Sa operasyon batok drogas, 153 ka drug personalities ang nadakpan ug nakumpiskar ang 466.48 gramos sa giingon nga shabu nga nagkantidad og ₱3,172,064, ug 3.60 grams nga uga nga dahon sa marijuana.
Padayon usab ang manhunt operations nga mitultol sa pagdakop sa 102 ka wanted persons, lakip na ang 19 ka Most Wanted Persons, 2 regional-level, 11 provincial-level, 4 municipal-level, ug 2 station-level.
Sa operasyon batok illegal gambling, 48 ka indibidwal ang nadakpan sa mga duwa sama sa number games, card games, mahjong, cara y cruz, ug illegal cockfighting. ₱8,641 nga bet money ang nasakmit.
Sa kampanya batok iligal nga armas, 33 ka armas, usa ka explosive, ug 38 ka live ammunition ang narekober, ug 15 ka suspek ang nadakpan.
Matod ni PBGen Redrico A. Maranan, Regional Director sa PRO7, “habang papalapit ang Kapaskuhan, malinaw ang aming mensahe—walang bakasyon ang krimen sa Central Visayas. Ang mga tagumpay na ito ay bunga ng tuloy-tuloy na operasyon, dedikasyon, at sakripisyo ng ating mga kapulisan.”
“Hindi namin hahayaang samantalahin ng mga kriminal ang panahon ng kapaskuhan. Ipagpapatuloy natin ang agresibong kampanya laban sa ilegal na droga, loose firearms, sugal, at iba pang uri ng kriminalidad upang masiguro ang kaligtasan ng lahat, ” dugang pa niya.
Giawhag sab sa PRO7 ang publiko nga magpabiling mabinantayon ug motabang sa kapulisan pinaagi sa pagreport sa mga kadudahang kalihokan, labi na karong nag-andam ang rehiyon sa pagsaulog sa Kapaskuhan.
Source: PRO7 PIO
I via Renante Socia Lada