Gibutyag sa Police Regional Office 7 (PRO7) ang ilang Weekly Accomplishment Report nga naglangkob sa operasyon gikan Nobyembre 30 hangtod Disyembre 6, 2025, nga nagpakita sa padayong kalig-on sa kapulisan sa rehiyon sa pagpanalipod sa kahapsay ug kalinaw.
Sa mga pinangita sa balaod, nakapatuman ang PRO7 og 102 ka operasyon, diin 19 ang Most Wanted Persons ug 83 ang ubang wanted nga nadakpan.
Sa mga iligal nga armas, 35 ka operasyon ang gipatuman. Nakatala sila og 15 ka nadakpan, 34 ka armas ang nakumpiskar ug gisurender, 38 ka bala ang narekober, ug usa ka eksplosibo ang nasakmit.
Nagpadayon usab ang kampanya batok sa illegal drugs, diin 134 ka operasyon ang gihimo ug 153 ka suspetsado ang nadakpan. Ang total nga 466.48 ka gramos nga shabu ang nasakmit nga adunay gibanabana’ng kantidad nga ₱3,172,064.00.
Sa operasyong kontra illegal gambling, 36 ka operasyon ang natala, 48 ka tawo ang nadakpan, ug ₱8,641.00 ang nasakmit nga kwarta.
Nagpasalamat ang PRO7 sa suporta sa publiko ug nagpasalig nga ipadayon ang “Bagong PNP para sa Bagong Pilipinas: Serbisyong Mabilis, Tapat, ug Naramdaman,” ubos sa liderato nila PNP Acting Chief PLTGEN Jose Melencio C. Nartatez Jr. ug PRO7 Regional Director PBGEN Redrico Atienza Maranan.
Source: PRO7 PIO
I via Renante Socia Lada