Nasangit lang unta og sayaw sa pista apan nakasugamak sa gubot. Duha ka PUJ driver ang grabe’g samad human giatake sa duha ka managsoon atol sa disco sa Barangay Tolosa, pasado alas-12 sa tungang gabii, Lunes, Disyembre 8, 2025.
Ang mga biktima giila nga sila Manolito Del Rio, 45, taga Umapad, Mandaue City, ug Junnie Pajuay, 26, taga Tolosa. Ang duha gitambalan una sa lokal nga tambalanan ug dayon gibalhin sa Vicente Sotto Memorial Medical Center tungod kay adunay kadaut sa liog ug ubol-ubol, apan luwas na sa peligro ang ilang kahimtang.
Base sa imbestigasyon, ang mga suspek nga managsoon nga sila Ronald ug Richard Mejellano, mga residente sa Alegria, nasuko kuno sa duha ka biktima human sila masaghiran samtang nagsayaw sa disco nga adunay live band. Ang gamay’ng saghid nahimong dakong kasuko, maoy hinungdan nga gigulgol nila ang liog ug abaga sa duha ka driver.
Si Del Rio nasamdan sa liog ug abaga, samtang si Pajuay nadaut ang iyang ubol-ubol. Ang duha klarong giatake gamit ang “buwang sa manok” nga maoy gigamit sa mga biktima, hinagiban nga kanunay daw dad-on sa mga suspek kon molakaw.
Sa padayon nga follow-up operation, nadakpan na si Ronald Mejellano, 28, ug karon gipangita pa sa kapulisan ang iyang igsoon nga si Richard.
Nagpadayong nagpahinumdum ang kapulisan sa publiko nga likayan ang pagdala og hinagiban ug pagpasulabi sa kalinaw labi na sa mga kasiyahan sa pista.
Source: Malabuyoc MPS
I via Renante Socia Lada