Ang Police Regional Office 7 (PRO7) naka ani og dakong kalampusan sa ilang kampanya batok sa iligal nga armas sa Central Visayas, isip pagsuporta sa direktiba sa Acting CPNP kontra iligal nga drogas, iligal nga armas, ug terorismo.
Base sa pinakabag-ong accomplishment report sa PRO7, gikan Enero 1 hangtod Nobyembre 27, 2025, miabot sa 3,326 ka nagkalain-laing armas ang nakumpiskar, narecover, o gisurender pinaagi sa 3,235 ka operasyon. Tungod niini, 1,253 ka suspetsado ang nadakpan, nga nagpakita sa padayong pagka-epektibo sa operasyon sa PRO7 sa tibuok rehiyon.
Samtang nagkadool ang Yuletide season, gipakusgan pa sa mga law enforcement units sa Central Visayas ang ilang operasyon aron masiguro ang kaluwasan sa komunidad ug malikayan ang pag-abusar sa iligal nga armas ilabi na panahon sa dagkong panagtigum ug kasadya.
“By securing these weapons from circulation, we prevent potential tragedies and ensure that Central Visayas remains a safe and secure place for everyone, especially during the holiday season,” segon ni PBGEN Redrico A Maranan, Regional Director of PRO7.
Gidayeg usab niya ang kakugi sa PRO7 personnel ug partner agencies, ug misulti nga magpadayon ang rehiyon sa proaktibong operasyon, pagpalig-on sa community partnerships, ug mas gipakusgang police visibility aron maprotektahan ang publiko ug mapadayon ang kahapsay ug kalinaw.
Source: PRO7 PIO
I via Renante Socia Lada