Malampuson nga gihimo sa Police Regional Office 7 (PRO7) ang tibuok-rehiyonal nga Simulation Exercise (SIMEX) bahin sa gubiyaan nga bagahi, Disyembre 2, 2025, sulod sa PRO7 Command Center. Ang aktibidad gipasiugda sa PNP National Headquarters ug giapilan sa tanang city ug provincial police offices sa Rehiyon 7, nga nagpalig-on sa kahimtang sa rehiyon sa pag-atubang sa posibleng hulga sa seguridad.
Si PBGEN Redrico A. Maranan, Regional Director sa PRO7, mismo ang midumala sa SIMEX. Pinaagi sa iyang mando, mas napalig-on ang operasyon, koordinasyon, ug disiplina tali sa nagkadaiyang ahensya. Anaa usab sa Command Center si PCOL Abubakar Udang Mangelen Jr., Provincial Director sa Cebu PPO, aron masiguro ang hingpit nga suporta ug hapsay nga monitoring sa mga lihok atol sa exercise.
Ang Danao City Police Station ang nahimong responding unit sa maong simulation, ug nakapakita kini og maayo nga performance dihang natuman nila ang tibook response time nga 28 minutos, timailhan sa ilang kahingpit sa ka-andam ug kapasidad sa aktwal nga operasyon.
Gipaabot sa PRO7 ang ilang mainitong pasalamat ug pagdayeg sa tanang city ug provincial police offices nga mitambong ug miapil sa exercise. Ang ilang kadasig, propesyonalismo, ug panaghiusa nagpakita sa lig-on nga komitment sa Rehiyon 7 sa pagpanalipod sa katawhan ug sa pagresponde dayon ug epektibo batok sa tanang naglutaw nga hulga sa seguridad.
I via Renante Socia Lada