Gipasidunggan ang Police Regional Office 7 (PRO7) sa ilang kalampusan sa pagpatuman sa mando sa Chief PNP nga siguruhon ang malinawon ug luwas nga 2025 National ug Local Elections. Sukad Enero 12 hangtod Hunyo 11, 2025, 429 ka tawo ang nasikop ug 448 ka pusil ang nakumpiskar atol sa COMELEC gun ban sa rehiyon.
Gikatakda sa Regional Election Monitoring Action Center (REMAC) nga ang operasyon miabot og 424 ka gun ban operations, diin apil ang 14 ka checkpoint apprehensions, 242 ka patrol responses, 103 anti-drug operations, 10 gun buy-busts, ug 55 laing operasyon.
Apil sa mga nakumpiskar ang 431 ka gagmay’ng pusil, 3 light weapons, 11 ka paltik/improvised firearms, ug 1,251 ka bala.
Sa pagpangandam sa kaluwasan sa eleksyon, nakapahigayon ang PRO7 og 41,969 ka checkpoints sa tibuok Central Visayas. Kini naglakip sa spot mobile checkpoints, border control points, joint AFP-PNP checkpoints, ug strategic checkpoints. Ang maong deployment nagpalig-on sa kahapsay ug nakatabang nga walay natala nga election-related incident (ERI) sa rehiyon.
Matod ni PBGEN Redrico A. Maranan, Regional Director sa PRO7, ang kalampusan nagpakita sa panaghiusa sa kapulisan, AFP, COMELEC ug katawhan.
“The successful conclusion of the COMELEC gun ban in Central Visayas reflects our full commitment to the Chief PNP’s call for safe and peaceful elections. Our personnel, alongside our AFP counterparts and the COMELEC, worked tirelessly to safeguard the democratic process and prevent violence. The arrest of 429 violators and the seizure of 448 firearms are the results of coordinated, determined, and proactive policing,” segon ni PBGEN Redrico A Maranan, Regional Director, PRO7.
Source: PRO7
I via Renante Socia Lada