Dugang kasakit ug kapildihan ang gidala sa Bagyong Tino sa daghang Sugbuanon, lakip na ang pipila ka miyembro sa Philippine National Police (PNP). Sa Police Regional Office 7 (PRO7), natala ang 825 ka personnel, uniformed ug non-uniformed nga naapektuhan ug nakasinati og partial o total damage sa ilang mga panimalay.
Uban sa paggiya ni Regional Director PBGEN Redrico A. Maranan, ang PRO7 pinaagi sa Regional Community Affairs Development Division (RCADD) ubos ni PCOL Kimberly Molitas, Chief RCADD, mihatud og tabang ngadto sa mga apektadong PNP personnel. Lakip sa gipang-apod-apod nga ayuda mao ang foam mattress, habol, balde ug tabo, sabon, galon sa tubig, ug food packs. Ang mga hinabang gikan sa stakeholders sa PRO7 sama sa RAGPTD, PNPA Class of 2013, Rotary Club Eagles ug PROTECT.
Gipang-apod-apod ang mga relief goods sa nagkadaiyang buhatan sa PNP sa Sugbo, diin 404 ka relief packs ang naabot sa mga personnel nga nanginahanglan. Ang breakdown mao ang mosunod: 130 packs sa CCPO HQs, 97 packs sa MCPO HQs, 39 packs sa LCPO HQs, 5 packs sa BPPO HQs, 7 packs sa RMFB 7, ug 126 packs sa PRO7 HQs.
Sumala ni PBGEN Maranan, ang ilang tuyo mao ang paghatag dayon og tabang aron masuportahan ang personnel ug ilang pamilya, ilabi na sa panahon nga sila mismo nakasinati og kalisod.
“By providing immediate assistance and relief, we aim to support our personnel and their families so they can continue to serve the communities of Central Visayas with dedication and resilience, ” segon ni PBGen Maranan.
Gipasalig sa PRO7 nga ang ilang outreach dili lamang naghatag og pagkaon ug gamit, apan milakip usab sa panaghiusa ug pagtinabangay sulod sa pamilya sa PNP, labi na karong panahona nga nagkinahanglan og dako nga kaisog ug pagsinabtanay.
Source: PRO7 PIO
I via Renante Socia Lada