Nagpadayag ang Police Regional Office 7 (PRO7) sa ilang dakong pasalamat kang PLTGEN MICHAEL JOHN F. DUBRIA (Ret.), President ug CEO sa Public Safety Mutual Benefit Fund, Inc. (PSMBFI), ug sa iyang kauban, alang sa ilang dali nga paghatag og pinansyal nga tabang sa mga personnel nga na-apektuhan sa bagyo ug mga katalagman.
Ang PSMBFI, nga gitukod aron suportahan ang kapulisan, bombero, ug uban pang public safety personnel, nahimong kasaligan nga kaabag sa paghatag og tabang ilabi na panahon sa natural nga kalamidad, medikal nga emerhensiya, ug uban pang dili matag-an nga panghitabo. Pinaagi sa ilang programa, masiguro nga ang mga miyembro ug ilang pamilya makadawat og hapsay ug paspas nga tabang panahon sa panginahanglan.
Sa unang hugna sa pagpagawas sa ayuda, Php 5,000 ang gilusad diretso sa bank account sa 103 ka personnel nga na-apektuhan sa 6.9 magnitude nga linog. Dugang pang pinansyal nga tabang ang ipang-apod-apod sa sunod mga semana alang sa ubang personnel nga naapektuhan sa maong linog, lakip na ang mga naapektuhan sa Bagyong TINO niadtong Nobyembre 4, 2025, timailhan sa padayon ug tinuoray nga suporta sa PSMBFI alang sa PRO7.
“We are deeply grateful to the PSMBFI for their unwavering support and assistance to the personnel of PRO7, especially to those who have been affected by recent calamities. Your steadfast commitment strengthens the resilience and welfare of our men and women in uniform, and provides much-needed relief to those in the frontlines of public safety.”
Source: PRO7 PIO
I via Renante Socia Lada