Nagpasiugda og maayo nga propesyonalismo ug disiplina ang Police Regional Office 7 (PRO7) ubos sa pagdumala ni PBGEN Redrico A. Maranan atol sa pagbisita ni Presidente Ferdinand R. Marcos Jr. sa mga siyudad sa Cebu ug Mandaue niadtong Nobyembre 21, 2025, alang sa paglusad sa Oplan Kontra Baha.
Gipahigayon una ang pre-deployment briefing sa Cebu City Quarantine Area aron masiguro nga ang tanang personahe andam, han-ay, ug klaro sa ilang tahas. Gipahimangnoan ang mga police sa ilang responsibilidad, lugar sa deployment, ug striktong pagtuman sa mga protocol sa seguridad, timaan sa padayon nga komitment sa PRO7 sa hataas nga kalidad sa serbisyo.
Daghang PNP personnel ang gitagan ug estratehiko nga pagdeploy aron masiguro ang kahapsay sa inspeksyon sa Presidente sa Mahiga Creek, usa ka importante nga bahin sa Subangdaku–Mahiga Creek system. Ang hapsay, malinawon, ug disiplinado nga lihok sa mga police nagpakita sa tinood nga propesyonalismo sa PRO7.
Sa iyang pagbisita, gipahibalo ni Presidente Ferdinand “Bongbong” Marcos Jr. ang pagsugod sa dagkong cleanup ug dredging operations sa mga sapa, suba, ug uban pang tubig-agianan aron mapakunhod ang pagbaha sa Cebu ug ubang dapit sa nasod.
Gipasiugda usab sa PRO7 ang lig-ong koordinasyon, ka-andam, ug pagbantay sa sitwasyon aron masiguro nga malinawon ug hapsay ang tibuok kalihukan.
“The safe and orderly conduct of the presidential visit is a testament to the professionalism and dedication of our police officers. PRO7 will continue to uphold the highest standards of service in support of government programs and public safety,” segon ni PBGEN Maranan.
Tungod sa hiniusa nga koordinasyon tali sa nagkadaiyang ahensya ug disiplinado nga pagtrabaho sa PRO7 personnel, malampuson ug luwas ang maong presidential engagement.
Source: PRO7 PIO
I via Renante Socia Lada