Mipahigayon og pagbisita ang Police Regional Office 7 (PRO7) nga gipangulohan ni Regional Director PBGEN Redrico A. Maranan aron mopakita og pagrespeto kang PEMS Antonio B. Sando niadtong Pebrero 6, 2026 sa Carcar City, Cebu.
Tungod sa iyang matinud-anon ug maayong pag-alagad sa Philippine National Police, gihatagan si PEMS Sando og Posthumous Service Award.
Personal nga mipadayag og pahasubo si PBGEN Maranan sa biyuda ug mga anak sa namatay nga pulis ug mipasalig sa padayon nga suporta sa PNP sa ilang pamilya.
Namata si PEMS Sando samtang nagtuman sa iyang katungdanan isip pulis. Nailhan siya isip usa ka disiplinado, maisogon, ug mayinud-anon nga alagad sa katawhan nga nakahatag og dungog sa iyang yunit ug sa tibuok PNP.
Sa iyang mensahe, gipasidunggan ni PBGEN Maranan ang sakripisyo ni PEMS Sando ug miingon nga ang iyang pag-alagad magpabiling panumduman ug inspirasyon sa tanang kapulisan sa PRO7 ug sa tibuok nasod.
Ilubong si PEMS Antonio B. Sando niadtong Pebrero 8, 2026 sa Saint Martha Catholic Cemetery sa Carcar City, Cebu. Ang PRO7 nagpasidungog sa iyang kinabuhi, serbisyo, ug sakripisyo ug pakig-uban sa iyang pamilya sa ilang kasubo.
Source: PRO7 PIO
I via Renante Socia Lada