Malampuson nga nasiguro sa Police Regional Office 7 (PRO7) ang hapsay ug malinawon nga pagduso sa anti-corruption rally sa Central Visayas niadtong Nobyembre 30, 2025, diin wala’y bisan usa ka insidente nga natala atol sa tibuok kalihokan.
Gidayeg ni Regional Director PBGEN Redrico A. Maranan ang padayon nga komitment ug propesyonalismo sa mga sakop sa PRO7 nga gipakatap sa mga ruta sa rally, convergence areas, ug ubang kritikal nga lugar. Ilang mga lakang naglakip sa hugot nga pre-deployment planning, epektibong crowd control, padayon nga situational monitoring, tabang sa pagdumala sa trapiko, ug aktibong koordinasyon sa rally organizers ug partner agencies.
Nagmugna usab sila og quick response teams, police assistance desks, ug nagpahigayon og mobile ug foot patrols aron masiguro ang kaluwasan sa publiko.
Nagpasalamat usab si PBGEN Maranan sa mga rallyist nga masinugtanon sa balaod, nga malinawon nga nag-exercise sa ilang katungod ug misunod sa mga guidelines ug safety protocols nga gitakda sa awtoridad. Gipasabot niya nga ang disiplina ug kooperasyon sa mga mitambong mao’y dakong hinungdan sa hapsay ug walay-hasol nga resulta sa kalihokan.
“We remain firm in respecting and protecting the freedom of expression and peaceful assembly, as long as it is undertaken within the bounds of the law. I commend our personnel for their dedication and professionalism, and I thank the rally participants for their discipline and cooperation,” PBGen Maranan said. “Together, we uphold peace, order, and the democratic values that strengthen our communities in Central Visayas.”
Nagpabilin nga mipasalig ang Police Regional Office 7 sa pagmintinar sa usa ka luwas nga palibot diin ang katawhan makapadayag sa ilang tinguha sa husto ug responsable nga paagi, samtang ginatiman ang seguridad ug kaayohan sa tibuok komunidad.
Source: PRO7 PIO
I via Renante Socia Lada