Andam na ang Police Regional Office 7 (PRO7) alang sa kaluwasan sa Sinulog Festival 2026 ug sa umaabot nga ASEAN Summit, sumala ni PRO7 Regional Director PBGEN Redrico A. Maranan. Miingon siya nga kompleto na ang mga plano ug koordinasyon sa lain-laing ahensya aron masiguro ang kalinaw ug kahapsay sa kalihokan.
Niadtong Enero 16, human sa ceremonial turnover sa mga sakyanan, ICT equipment, ug uban pang suplay sa kapulisan, giingon ni PBGEN Maranan nga andam na gyud ang PRO7 alang sa fluvial parade ug tanang kalihokan sa Sinulog sa Cebu City. Kapin sa 2,000 ka kapulisan ang i-deploy, uban ang tabang sa AFP, Philippine Coast Guard, ug mga boluntaryo.
Sumala pa niya, sukad nagsugod ang Sinulog activities, wala pay natalang insidente. Gilauman nga magpadayon kini hangtod sa katapusang adlaw sa selebrasyon. Hugot usab nga ipatuman ang gun ban sa tibuok Central Visayas hangtod Enero 31, aron masakop ang Sinulog ug ang ASEAN Summit.
Gipahinumduman sa PRO7 ang tanang tag-iya sa armas, bisan pa og lisensyado, nga dili magdala og pusil gawas sa ilang balay. Padayon usab ang checkpoints, Oplan Sita, ug dugang presensya sa kapulisan aron masiguro ang kaluwasan sa tanang tawo.
Andam usab ang PRO7 alang sa ASEAN Summit sa Panglao, Bohol. Naghimo na og full-scale simulation exercises ug nag-andam og kapin sa 2,000 ka personnel, uban pa ang dugang pwersa gikan sa ubang probinsya ug siyudad. Tumong sa PRO7 ang zero major incidents aron masiguro ang kaluwasan sa mga residente, turista, ug international delegates.
“These measures reflect our commitment to zero major incidents throughout the festivities. PRO7 is ready to respond to any situation, ensuring public safety, order, and a secure environment for residents, tourists, and international delegates alike.”
Source: PRO7 PIO
I via Renante Socia Lada