Ang Police Regional Office 7 (PRO-7) nagpakita og dakong dedikasyon sa pagpalambo sa kaluwasan ug seguridad sa Central Visayas sulod sa nilabay nga tuig.
Sa ilawom sa liderato ni PBGEN ROY B. PARENA, Officer-In-Charge sa PRO7, ang buhatan nalipay nga ipahibalo ang mga kalampusan niini, nga nagpakita sa ilang walay puas nga serbisyo alang sa katawhan ug sa kalinaw ug kalamboan sa rehiyon.
Gikan sa Enero 1 hangtod Disyembre 31, 2024, ang PRO-7 aktibong nilusad og kampanya batok sa iligal nga kalihokan. Nakahimo kini og 7,557 ka anti-illegal drug operations nga nagresulta sa pagdakop sa 8,772 ka drug offenders ug sa pagsakmit sa 231,025.63 gramos sa iligal nga drogas nga nagkantidad og PHP1,570,974,284.00, lakip na ang mga tanom nga marijuana nga nagkantidad og PHP7,150,442.40. Dugang pa, 1,055 ka ampules sa Nubain nga nagkantidad og PHP121,325 ang nasakmit.
Sa kampanya batok sa iligal nga sugal, nakadakop ang PRO-7 og 12,624 ka indibidwal pinaagi sa 7,592 ka operasyon, nga nakasakmit og kwarta nga nagkantidad og PHP1,361,385.75.
Sa bahin sa loose firearms, nakadakop ang PRO-7 og 1,013 ka indibidwal ug nakarekober og 4,127 ka armas, 148 ka eksplosibo, ug nagkadaiyang mga bala pinaagi sa 3,942 ka targeted operations.
Sa pagpangita sa mga wanted persons, nakalusad ang PRO-7 og 7,259 ka operasyon nga nagresulta sa pagdakop sa 905 ka most wanted ug 6,354 ka ubang indibidwal nga adunay mga warrant of arrest.
Ang krimen sa Central Visayas niubos diin ang index crimes nikunhod gikan sa 4,013 niadtong 2023 ngadto sa 3,662 niadtong 2024, nga nagrepresentar og 8.75 porsyento nga pagkunhod.
Sumala ni PBGEN PARENA, ang deployment sa mga personnel sa PRO-7 sa mga lugar nga daghan ang mga tawo, pag-establisar og mga checkpoint, ug pagsiguro nga makita ang mga pulis sa mga lugar nga crowded, ug walay hunong nga operasyon batok sa kriminalidad mao ang mga hinungdan sa maong kalampusan.
Sa tuig 2024, nakarekord ang PRO-7 og 99.24 porsyento nga clearance efficiency ug 89.07 porsyento nga solution efficiency alang sa Peace and Order Indicator, nga tungod sa agresibong paningkamot ug pagkamadiskarte sa mga imbestigador aron masiguro nga ang mga kaso gi-refer ug gipailalom sa tukmang hukmanan.
“As we continue to fulfill our mandated tasks of preventing crime, maintaining peace and order, and ensuring public safety, PRO7 has made meaningful progress in Central Visayas through our effective anti-crime strategies. I commend each police officer for their unwavering commitment and integrity in serving the Central Visayas community. Let’s continue this work together!” segon ni PBGen Parena. (Renante Socia Lada)
(Source: PRO-7 PIO)