Ang Police Regional Office 7 (PRO-7) mitabang dayon sa mga biktima sa kusog nga magnitude 6.9 nga linog nga miigo sa probinsya sa Sugbo sa gabii sa Martes, Sept. 30, 2025. Sumala sa PRO-7, gideploy nila ang 1,356 ka pulis aron maghatag og seguridad ug tabang sa mga apektadong lugar.
Base sa report, siyam ka pamilya o 33 ka tawo ang nagpabilin sa evacuation centers samtang gibanabana nga 1,457 tanan ang evacuees nga na-monitor. Gitutokan sa kapulisan ang pagtabang sa relief operations ug pagpatuman sa kalinaw ug kahapsay.
Nahibaluan usab nga 27 ka mga building ug tulo ka police stations ang nadaot tungod sa linog. Gipahigayon na ang assessment aron masuta ang gidak-on sa kadaot ug matino kung luwas pa gamiton ang mga pasilidad.
Nagpabilin ang kapulisan sa ilang panawagan sa katawhan nga magpuyo ug malinawon, magmatngon batok sa aftershocks, ug sundon ang mga sugo sa otoridad aron malikayan ang dugang kadaut ug kasamok.
I via Renante Socia Lada