Pormal nang gi-ablihan ang kasaulogan sa Pride Month sa dakbayan sa Mandaue, karong buwan sa Hunyo 2024, atubangan sa Mandaue City Hall.
Ang mga miyembro sa LGBTQIA+ Organization sa nagkadaiyang Barangay sa siyudad sa Mandaue nagkahiusa, bitbit nila ang mga flag.
Makita nga ilang gipadayag ang rainbow color isip pagsimbolo sa gender equality ug panaghiusa.
Si Mandaue Mayor Jonas Cortes na amahan sa Mandaue City walay pagduha-duha sa paghangop sa kalihukan sa Pride Month.
Atol sa mensahi ni Mayor Cortes iyang gipadayag ang patas nga pagtagad sa tanan sa Mandauehanon ug walay gender discrimination.
Sa siyudad sa Mandaue gitataw sa kagamhanan nga walay mahabilin, ug magkoyog ang tanan nga adunay respeto sa matag-usa. (Renante Socia Lada)
(Source: Mandaue City PIO)