Tungod sa halapad nga pagpangandam ug epektibong pagtinabangay sa Philippine National Police (PNP), nagkalain-laing ahensya sa gobyerno, ug lokal nga kagamhanan usa ka malampuson ug solemne nga pagsaulog sa Adlaw sa mga Santos ug sa Adlaw sa mga Kalag-kalag ang nakab-ot sa Central Visayas karong tuiga.
Gipasiugda ni PRO-7 Regional Director PBGen Anthony Aberin nga ang pagpatuman sa usa ka komprehensibo nga plano sa seguridad, nga naglakip sa mga pamaagi sa deployment sa mga personahe sa seguridad, episyente nga pagdumala sa trapiko, mga pahimangno sa kaluwasan, ug ang pagtukod sa mga Police Assistance Desk, hinungdanon sa pagsiguro sa usa ka luwas nga palibot alang sa publiko pagbisita sa mga sementeryo ug mga dapit sa sam-ang.
Walay dagkong mga insidente nga ilang natala tinuok rehiyon 7.
Gibana-bana nga 3,000 ka mga security personnel ang gipakatap sa 421 ka sementeryo ug uban pang importanteng lugar aron masiguro ang kaluwasan sa publiko.
Giila ni PBGen Aberin ang mahinungdanong pakigtambayayong sa Armed Forces of the Philippines (AFP), Bureau of Fire Protection (BFP), ug Philippine Coast Guard (PCG), ingon man ang mga paningkamot sa mga boluntaryo gikan sa mga organisasyon.
Sa panahon sa Nobyembre 1 hangtod Nobyembre 2, gi-report sa PRO-7 ang pagkasakmit sa labing menos 454.29 gramos nga ilegal nga drogas, nga adunay standard drug value nga PhP 3,089,172. Dugang pa, 284 ka mga tawo ang gidakop tungod sa nagkalain-laing mga kalapasan, ug 12 ka loose firearms ang nakumpiska.
“This concerted effort has delivered a safe, secure, and successful observance of Kalag-kalag 2024 in Central Visayas. The success of this security plan will serve as a benchmark for future preparations, including the Christmas Holidays and the Sinulog Festival,” matod ni PBGen Aberin. (Renante Socia Lada)
(Source: PRO7-PIO)