Nagpagawas og ulahing weekly accomplishment report ang Police Regional Office 7 (PRO-7) gikan sa petsa Oktubre 12 hangtod 18, 2025, nga nagpakita sa ilang padayong kalihokan batok sa drogas, sugal, ug pagpangdakop sa mga wanted persons sa tibuok Central Visayas.
Sa ulahing semana, 132 ka operasyon ang gihimo batok sa illegal drugs nga mitultol sa pagkasikop sa 153 ka tawo. Nakumpiskar usab ang 795.98 gramos nga shabu nga adunay kantidad nga ₱5,412,664.
Sa kampanya batok sa mga wanted persons, nakahimo ang kapulisan og 79 ka operasyon, diin 18 niini mao ang most wanted, ug 59 ang ubang mga wanted.
Sa operasyon batok sa iligal nga armas, 22 ka operasyon ang gihimo nga mitultol sa 15 ka arrestado, 24 ka armas nga nakumpiskar o gisurender, ug 50 ka bala nga narekober.
Samtang sa kampanya batok illegal gambling, nakahimo ang PRO-7 og 46 ka operasyon, 57 ka tawo ang nadakpan, ug ₱14,276 ang nakumpiskar nga kwarta.
Sumala ni PBGen Redrico Atienza Maranan, Regional Director sa PRO-7, nagpadayon ang kapulisan sa ilang paningkamot nga mapanalipdan ang katawhan ug mapadayon ang kalinaw sa rehiyon.
Source: PRO7- PIO
I via Renante Socia Lada